به‌شی‌ جیۆلۆجی‌

به‌شی‌ جیۆلۆجی‌ سه‌ر به‌ سكووڵی‌ زانسته‌ كه‌ له‌ ساڵی‌ 1975 دا له‌ زانكۆی‌ سلێمانی‌ دامه‌زرا، پاشان له‌ ساڵی‌ 1981 دا له‌ لایه‌ن رژێمی‌ به‌عسه‌وه‌ له‌گه‌ڵ سه‌رجه‌م كۆلێژ و به‌شه‌كانی‌ تری‌ زانكۆی‌ سلێمانی‌ دا روخێنرا بۆیه‌ هه‌ر له‌ هه‌مان ساڵدا گواسترایه‌وه‌ بۆ هه‌ولێر. له‌ ساڵی‌ 1994 دا جارێكی‌ تر به‌شی‌ جیۆلۆجی‌ وه‌ك به‌شێك له‌ زانكۆی‌ سلێمانی‌ به‌ هه‌وڵ و ته‌قه‌لای‌ ناوخۆ و رێكخراوه‌ ناحكومی و مرۆییه‌كان دامه‌زرایه‌وه‌.به‌شی‌ جیۆلۆجی‌ ئامانجی‌ به‌شداریكردنه‌ له‌ بوژاندنه‌وه‌ی‌ ئابووری‌ كوردستان و بنیاتنانه‌وه‌ و ئاوه‌دانكردنه‌وه‌ی‌ گوند و ناوچه‌ كاولكراوه‌كانی‌ كوردستان له‌ رێی‌ گه‌ران و ئه‌نجامدانی‌ توێژینه‌وه‌ له‌سه‌ر سه‌رچاوه‌ی‌ سروشتی‌ و كان و مادده‌ی‌ به‌نرخ و كه‌ره‌سته‌ی‌ خاودا كه‌ پێویستن بۆ بنیاتنانه‌وه‌ی‌ كوردستان. هه‌روه‌ها كارده‌كات بۆ پاراستنی‌ سروشتی‌ جوانی‌ كوردستان له‌ كاریگه‌ریه‌ خراپه‌كانی‌ پیس بوونی‌ ژینگه‌. به‌شی‌ جیۆلۆجی‌ هانی‌ ئه‌نجامدانی‌ باس و لێكۆڵینه‌وه‌ ده‌دات له‌ سه‌ر سه‌رجه‌م بابه‌ته‌ جیۆلۆجیه‌ جۆراوجۆره‌كان و هه‌روه‌ها كارده‌كات بۆ دامه‌زراندنی‌ سه‌نته‌رێكی‌ راوێژكاری‌ جیۆلۆجی‌ و سه‌نته‌رێكیش بۆ لێكۆڵینه‌وه‌ی‌ جیۆلۆجی‌ به‌ مه‌به‌ستی‌ گه‌ران به‌ دوای‌ نه‌وت، گاز، كانه‌ خه‌ڵوز و مه‌رمه‌ر و هتد. ئامانجێكی‌ تری‌ به‌شه‌كه‌ كردنه‌وه‌ی‌ مۆزه‌خانه‌یه‌كی‌ سروشتی‌ مێژووییه‌ له‌ كوردستان دا. به‌شی‌ جیۆلۆجی‌ به‌رده‌وام گه‌شتی‌ زانستی‌ و كۆرسی‌ راهێنانی‌ جیۆلۆجی‌ مه‌یدانی‌ ئه‌نجام ده‌دات بۆ سه‌رجه‌م ئه‌و خوێندكارانه‌ی‌ كه‌ بۆ به‌ده‌ستهێنانی‌ بروانامه‌ی‌ به‌كالۆریۆس و خوێندنی‌ باڵا له‌ به‌شه‌كه‌دا ده‌خوێنن، ئه‌مه‌ش به‌مه‌به‌ستی‌ به‌رزكردنه‌وه‌ی‌ ئاستی‌ زانستیان و به‌ره‌وپێش بردنی‌ بواری‌ جیۆلۆجی‌ له‌ كوردستان دا.ستافێكی‌ ماندوونه‌ناس له‌ به‌شی‌ جیۆلۆجی‌ دا كارده‌كات كه‌ پێك دێت له‌: یه‌ك پرۆفیسۆر، 12 پرۆفیسۆری‌ یاریده‌ده‌ر، 22

مامۆستا، 20 مامۆستای‌ یاریده‌ده‌ر و 14 معید.

لە ئێستا دا کەمترین کۆنمرەی ساڵی ٢٠١٢

کەمترین کۆنمرەی پارێزگا 567

کەمترین کۆنمرەی گشتی565